الله يعين الغلابه

ويش انبي بالجرادة
لا قالجرادة تطير
مثل ذي يبون الوزارة
وما معاهم وزير
الناس تفرض أرادة
وعندهم من يدير
وانتم لويش الدوارة
وشرها المستطير
طالت علينا المسافة
والوقت معانا قصير
ذي وقعوا بالنيابة
على القرار الأخير
الشعب يشتي أجابة
على السؤال الخطير
أين الوطن يا قيادة؟
وأين حق المصير؟
وأين حضرت جنابه؟
ذي كان يهدر هدير
الشعب فيه الكئابة
كبيرهم والصغير
الله يعين الغلابه
والعسكري والخفير
وين المتلل ثيابة
يهزها بالجفير
الناس تبني عمارة
وانته بتبني جدير
وين الصمرقع وكابه
ذي حطنا بالحضير
غلطان غلط في حسابه
سرحان عبدالبصير
الأميّرة والإمارة
عروشها للأمير
فلاح تأكل ثماره
الجراد بالجو تطير
روح مسيكين حاله
حزنان من ما يسير
لحمه عشاء للذيابه
ذي ما معاها ضمير
الله يعين الغلابه
كبيرهم والصغير
ما قول وصلنا النهاية
أرهاص وقع بالنفير
لعب الدول باليتامه
خلت عيوني سهير
وحوش تسكن بغابة
والنسر يصفر صفير
ذي ما بيملك قراره
ما ظن يأتي بخير
ختمت بسيد تهامة
يشفع لنا من سعير

كتب / عبدالقادر زين بن جرادي