هذه القصيدة القيت في حفل الاربعينية للشهيد القائد البطل فهد غرامة في قصر اللؤلؤة
كلمات الشاعر الكبير هيثم الفطحاني
ناحت جميع ابين بمقتل غرامه
والكل في ابين دموعه يهلين
ذي فاجعه في ابين كيوم القيامه
صدمه قويه في قلوب المحبين
وابين كساها الحزن بعد الوسامه
والقهر فيها في الكبد والشرايين
تبكي على راعي الشرف والزعامه
الفهد ذي له في المعارك عناوين
راح البطل ذي كان يوزن كلامه
ياعين جودي وسكبي الدمع دمعين
فهد البطل راعي الشرف والكرامه
ليث الشهامه في بقاع الميادين
مقدام بالجوده تحزم حزامه
وفي الرجوله كم تهابه المعادين
مهيب صادق محتزم بالشهامه
وفي تربة ابين يااه كم له محبين
في صدر ابين له وفاء وحترامه
شامخ رفيع الراس واهله عزيزين
لو ناحت ابين ماعليها ملامه
لان المفارق زين في هامته زين
فهد البطل فوق السحابه مقامه
وراسه الشامخ شموخه بعلين
والله اني اذكر حتى نبرة كلامه
وعبرتي والدمع والقهر بالبين
ودع بغدر اهل الخزاء والثامه
ذي كان يسقيهم سهام المجازين
كم هانهم والكل فتتت عضامه
واللي شرد نيران بعده براكين
لكن وفاء يابن الشرف والكرامه
ذكرك مخلد في صدور العزيزين
والعهد يبقى لين يوم القيامه
والله ثم والله ماحنا بناسين
اما انتقمنا او دخلنا بقامه
فيها اندفنا وحنا بالعهد ماضين
عهدا على ابين بالشرف والكرامه
مانخذلك يابو الوفاء والوفيين
