لا تقولون
لا تقولون له أن قلبي معذب بسبه .. قضي حياتي منكد على فراغه ومحزون
يا ما تحملت منه وياما الناس عني يقولون
كل ساعه موت في عشقه وحبه ..ما يفارق خيالي وعقلي عادني فيه مفتون
وكم كفروني الناس من بعده وكم يفتون
****
لا تجيبون
لا تجيبون لي أخباره لا تجرحوا قلبي .. ماظن قلبي يحتمل لا سمع ما تقولون
خلاص مليت منه مهما تودوا او تجيبون
كفاه ما سواه بي ويا ما جرح قلبي .. يا ما حلم فيه قلبي وكم با ظل مرهون
يا ما احتكمنا له وكم حطيت عنده رهون
****
لا تودون
لا تودون له أجمل قصاصات نثري .. لا تخلوه يدري بي أنني ما زلت محنون
ما دام انه تناساني ولا يسأل ولا يحزنون
ما باه يعلم انني اذكره في كل شعري .. كلما حنيت وتغزلت به يا قلب مجنون
لا تلذوه يتشفى عذابي وما بي من جنون
****
لا توطون
لا توطون له باسمي قد يغتر اذا يدري .. كل ما مديت له يدي خذلني بهون
لا توطون راسي المعتلي لا تخلونني هون
لا تذلونني عنده ولا تفشون له أمري .. اكتموا سرنا احذروا العزال يدرون
لا تذلون ما هوه غالي والسوق كله زبون
