مزاجله شعريه افتراضية - بين عبدالملك الحوثي وعبدربه وصالح

تلقت صحيفة "عدن الغد" مساجلة شعرية افتراضية بين عدد من القيادات اليمنية وتنشرها هنا

( بداء الحوثي:)

سلام يا ارض اليمن ورجالها...

سني وحوثي في وطنا واحدين.

احنا على الصيحه خرجنا كلنا...

 بنزل الجرعه ونحنا واثقين.

 ياعبدربه لا تصدق ربعنا...

حافظ على شعبك وكن حارس امين.

شفها رساله في القشيبي مننا..

اوبه وخلك ذيب يا قايد زكين.

(جواب عبدربه منصور)

مني سلام آلاف ياصحاب العناء...

يادي وسط صنعاء وصلتو زاحفين.

احنا اجتمعنا اليوم فيها كلنا...

اما صلحناها او رحنا طحين.

يالرافضي اوبه تقرب نحونا...

احنا نخوض الحرب ونخرج فايزين.

احنا رجال ابين وهذا حكمنا...

حرام مانزل من الجرعه عوين.

 لانتو تبؤ دوله نساوي شعبنا..

ولا رعونا لابلدنا راجعين.

(دخل عفاش)

 يا عبدالملك يا عمامة رؤسنا...

 يامن لكم تاريخ يا جند الحسين.

عيال لحمر فرقو مابينا..

وانتو لنا إخوان في مذهب ودين.

ماشي فتهملي كيف قد سوو بنا...

هدو بيوت الله واحنا ساجدين.

 (جواب صادق الاحمر)

 أخزاك ياعفاش دي نته ضدنا...

وبوي قد وصاك فينا مرتين.

 احنا اليتامى ماتشوف أحوالنا ...

وحميد جاهل لا تؤاخذ طائشين .

 لباك تجمعنا وتصلح بيننا...

والسيد الحوثي بنخرج له ثمين.

 شف عبدربه بايشل جنوبنا...

دي منها لنهب وملينا الخزين.

مالا نجح وشل أرضه مننا...

بنصير نطلب في بيوت المحسنين.

( دخل البيض)

 الحمد لك والشكر ياربي انا...

من يوم شفناهم وهم متناحرين.

 دوله عطيناهم وعابو جوفنا...

 العيب في صنعاء موثق بسنيين.

 ياعبدربه لاتقع شي مثلنا...

عفاش هو الشيطان وبليس اللعين.

سلم لهم ورجع أرضنا...

ومثل ماكنا بنرجع دولتين.

(جلال بلعيدي)

ياهاجسي رحب بهذا جمعنا...

 من قلب ما يخضع ولا يمكن يلين.

دوله عميله دي تحلل دمنا...

وبحرنا والجو بيد الكافرين.

 تمسي بلاطيار تقص اثورنا ...

 ياقهر قلبي وينكم يا مسلمين .

 لكن مني عهد بنوخذ ثارنا...

وبنا مسى نوكل من اللحم السمين.

 البنك كسرناه وهذا حقنا...

 حتى ولاحنا في بلدنا شاردين.